நீங்கள் தேடியது "பெட்ரோல் உயர்வு"

தஞ்சாவூர்:

மத்திய அரசின் பெட்ரோல்- டீசல் விலை உயர்வை கண்டித்து தஞ்சை மாநகர் மாவட்ட இளைஞர் காங்கிரஸ் சார்பில் தஞ்சை ரெயிலடியில் கண்டன ஆர்ப்பாட்டம் நடந்தது.

ஆர்ப்பாட்டத்துக்கு இளைஞர் காங்கிரஸ் பொதுச்செயலாளர் யாதவ கிருஷ்ணன் தலைமை தாங்கினார். தெற்கு மாவட்ட காங்கிரஸ் துணை தலைவர் வக்கீல் கோ.அன்பரசன் ஆர்ப்பாட்டத்தை தொடங்கி வைத்து சிறப்புரையாற்றினார்.

மாநகர் மாவட்ட செயலாளர் அலாவுதீன், மாநில பொதுக்குழு உறுப்பினர்கள் ராம்பிரசாத், ராஜமார்த்தாண்டன், மாநகர பிரதிநிதி செல்வம் ஆகியோர் முன்னிலை வகித்தனர்.

ஆர்ப்பாட்டத்தில் தெற்கு மாவட்ட இளைஞர் காங்கிரஸ் தலைவர் சுரேஷ், முத்து கிருஷ்ணன், ரமேஷ், இஸ்மாயில், கண்டபிள்ளை, சதா, வெங்கட்ராமன், சீனிவாசன், திருவையாறு பூபதி ஆகியோர் கலந்து கொண்டு கண்டன உரையாற்றினர்.